Plataforma negociación II Convenio Contact Center

Duración:
Dun ano, o 2010.
Ámbito funcional:
Incluír que o convenio sexa de aplicación tamén nos centros de
chamadas propios, cando as condicións laborais dese persoal sexan
por baixo deste conveno.
Convenios de ámbitos inferiores.
Desaparición artigo 1 e 4. Permitindo que se podan negociar melloras
a nivel de empresa e respectando o dereito á negociación no marco
galego.
Organización do traballo:
Eliminación total do artigo 11.
Retribucións:
 En primeiro termo a patronal debería cumprir coa suba salarial
correspondente ao ano 2009 do 2,25%. A suba será
independente da sentenza que dite o Tribunal Supremo, para
evitar que teñamos que devolver diñeiro en caso de resolución
contraria á primeira sentenza.
 En segundo termo solicitamos a suba salarial lineal de 540€.
Suba precisa para que os salarios por baixo da media manteñan
poder adquisitivo.
 Incluír un plus salarial de antigüidade ao cumprir os 5 anos de
antigüidade na empresa, computando esta dende o primeiro
contrato baixo calquera modalidade, incluído o tempo
contratado por ETT. A contía deste plus será de 50€ e
aplicarase con carácter retroactivo.
 Cando se traballe un sábado se percibirá un recargo equivalente
a recarga de domingos.
 Garantir o cobro do plus de idiomas cando se use unha lingua
cooficial na propia comunidade autónoma.
Emprego:
 O persoal terá contrato fixo, o sector de Contact Center non se
pode considerar a estas alturas unha actividade en vías de
consolidación (iso di o actual convenio).
 Os contratos temporais só se poderán realizar para
determinadas casuísticas, substitucións por baixas de longa
duración ou vacacións do persoal. O contrato por Obra ou
Servizo limitarase para novas campañas con duración igual ou
inferior a 6 meses.
 Non se poderá contratar persoal de operacións nin de estrutura
a través de contratos de posta a disposición. Todo o persoal
que estea contratado baixo esta modalidade pasará a formar
parte do cadro de persoal respectando as súas condicións
laborais e a antigüidade na ETT.
 As empresas estarán obrigadas a entregar á representación
legal dos traballadores/as unha copia do contrato mercantil
subscrito entre a empresa de Contact Center e a empresa á que
se presta o servizo, omitindo unicamente os datos económicos.
 Eliminar por completo o artigo 17. Facilita despedimentos
colectivos a marxe das garantías previstas na lexislación básica
para estes casos.
 En caso de subrogación, deberase contratar o 100% do persoal
que estaba traballando nesa campaña nas mesmas condicións
laborais que se disfrutaban na anterior empresa.
Xornada e tempo de libranza:
Xornada laboral:
 35 horas en cómputo semanal sen rebaixa salarial.
 A duración máxima da xornada ordinaria de traballo
realizarase en cómputo semanal, non pudendo exceder
das 35 horas semanais. A empresa fará un control horario
semanal que será incluído nas nóminas mensuais para
coñecemento dos traballadores/as.
 Descanso de 3 fins de semana ao mes.
Distribución irregular da xornada:
Como máximo se poderán traballar ata 7 días continuados, tras
os cales se terá un descanso de 2 días ininterrompido.
Vacacións:
 32 días de vacacións naturais divididos en 28 días e 4
días soltos.
 Cando o período de vacacións fixado coincida cunha
incapacidade temporal, terase dereito a dispor das
vacacións en data distinta; aínda que rematara o ano
natural a que corresponden.
Festivos:
 Os festivos especiais (1 de xaneiro, 6 de xaneiro, 24 de
decembro a partir das 20:00 horas, 25 de decembro e 31
de decembro a partir das 20:00 horas), terán carácter de
festivo para todos e todas os traballadores e traballadoras
do sector, agás para os servizos de urxencias e
emerxencias.
 Cando o día de libranza coincida cun festivo, haberá que
compensar ao traballador/a con outro día de libranza.
Permisos:
 80 horas retribuídas ao ano para asistir a consultas
médicas tanto da Seguridade Social como privadas.
Incluír dentro destas horas as de acompañamento ao
médico para fillos/as menores de 14 anos e ascendentes
maiores de 65.
 Aumento de todos os permisos ata o terceiro grao de
parentesco.
 Equiparar todos os permisos de matrimonio ás parellas de
feito, incluído o de 15 días de permiso por matrimonio.
 Incluirase un novo permiso de 3 días de libre disposición.
Horarios:
 O 60% do persoal terá quenda continúa.
 O persoal ao que se lle asigne unha quenda partida
disporá dun plus de dietas consistente na retribución
diaria de 7€ o día.
Tempo de traballo
Tempo de descanso:
 De 4 a 6 horas: 20 minutos.
 De 6 a 8 horas: 35 minutos
 De 8 en adiante: 50 minutos.
Carreira Profesional:
 Incluír no convenio unha definición estrita de cada unha das
categorías profesionais recollidas.
 Recoller dúas novas categorías profesionais:
1. Teleoperador/a de 1ª, que será alcanzada de xeito
automático cando un teleoperador/a especialista leve 2
anos prestando servizo. O salario será o de
teleoperador/a especialista e o 4% de incremento.
2. Xestor/a de 1ª que será alcanzada de xeito automático
cando un xestor/a leve 2 anos desempeñando as funcións
correspondentes á súa categoría. O salario será o de
xestor/a e o 4% de incremento.
 Desaparición da Comisión de Clasificación Profesional. É unha
tapadeira para facilitar liberados a cambio de asinar o convenio.
Saúde Laboral:
 O tempo entre chamadas non poderá ser inferior a 50
segundos, tanto en postos de emisión como de recepción de
chamadas.
 Incrementar as pausas PVD a 7 minutos.
 A representación legal dos traballadores/as poderá rexeitar a
Mutua contratada pola empresa.
 As empresas terán a obriga de subscribir a favor dos seus
traballadores/as unha póliza de seguros de accidente (laboral
ou común), durante as 24 horas do día, que cubra os riscos de
morte, invalidez permanente absoluta ou permanente total, así
como a gran invalidez, na contía de 20.000 euros.

Manterémosvos informados

Unha vez máis, os representantes desta empresa mostran o máis absoluto desprezo aos dereitos de todos e todas os que traballamos nesta plataforma.

VACACIÓNS

Outro ano máis teremos o inxusto e pouco transparente sistema do ano anterior, xestionado por persoal incompetente e incapaz.
Intentáronnos vender un suposto cambio ?a mellor? cando realmente o que querían era decidir por nós cando gozar das nosas vacacións (?Se estás de baixa maternal: a pillar os restos que outros non quixeron?; ?Prohibido gozar máis de 2 semanas de vacacións continuadas?; ?Prohibido ter vacacións en semana santa e Nadais?; só lles faltou dicir: ?Prohibido ter vacacións?).
As vacacións son de mutuo acordo, xa abonda de seguir tragando, solicitade as vacacións que queirades e animámosvos a que se volas denegan demandedes a esta panda de explotadores. TEMOS QUE FACER VALER Os nosos DEREITOS!!

RECUPERACIÓNS DE QUENDA E XORNADA: O INCUMPRIMENTO DO ACORDO DO PECHE DO CRC, UNHA MENTIRA SEN FIN

A empresa comprometeuse cando asino o acordo no mes de Abril a que todos e todas manteriamos a nosa xornada e que recuperariamos a quenda aos que se nos cambiou.
A día de hoxe moi poucos recuperamos quenda e xornada. Ante esta situación non nos quedamos de brazos cruzados, levamos meses denunciándoo ante a Xunta de Galicia e Inspección de Traballo. Por agora, non son moitos os resultados obtidos. Non nos rendemos e seguiremos loitando para que cumpran o asinado.
En contra nosa decidiron contratar a través dunha ETT, curiosamente do mesmo grupo…(máis e máis explotación, contratos lixo sen estabilidade)
levaron a cabo movementos (ás ocultas) entre departamentos, en contra dos criterios acordados.
Ofrécennos postos con miserables xornadas de 25 horas /semana, que non nos permiten chegar a fin de mes.
Seguen despedindo a compañeiros improcedentemente, cando se comprometeron a non facelo.
Moitos traballamos 25 horas mentres os ?pines virtuais? están conectados sen descanso todo o día (!claro, estes ?traballadoras pantasmas? non cobran, nin descansan, nin se pon enfermos, nin teñen vacacións, pero a empresa SE cobra por eles!).

A EMPRESA MENTE E SÁBEO…..¡CUMPRIDE DUNHA VEZ O ASINADO!

A Coruña a 29 de Outubro de 2009

UGT E CIG denunciamos ante Inspección de Traballo o seguinte:

• Día de peche da plataforma: A empresa comprometeuse a reunirse co Comité no principio do ano para chegar a un acordo. NON O FIXERON. Finalmente e tras presión pola nosa banda, tivemos unha reunión na que non tragamos coas súas imposicións. Inspección obrigoulles a reunirse no día de hoxe de novo connosco.
• Incentivos Front Pemes: A empresa, como ben sabeis, implantou UNHA BASURA DE SISTEMA DE INCENTIVOS, que supón unha gran perda de poder adquisitivo. Este sistema como outras moitas cousas, foi imposto pola dirección de Eurocen, sen contar co consenso da Representación Legal.
• SISTEMA DE VACACIóNS: Cansos de BURLAS E TOMADURAS DE PELO que esta empresa está a ter cara a todos os traballadores desta plataforma, decidimos interpor denuncia ante Inspección polos abusos que Eurocen esta cometendo e a situación de indefensión na que todos nos atopamos. XA ABONDA DE TENTAR REIRSE DE TODOS NÓS !!!!
• Información dos novos servizos: A empresa néganos a información relativa aos novos negocios en Coruña (Jazztel e Securitas) ou nos facilita INFORMACIÓN FALSA (Mentireiros!). Tras a visita do Inspector de Traballo, constatouse como nos mentiron en algo tan básico como o horario de prestación dos servizos e o número de traballadores, o que afecta á posibilidade de recuperar xornada a todos os que a perdemos.

O COMITÉ DE EMPRESA denunciou:

• O horario de entrega de xustificantes que nos impuxeron, por ser moi limitado e non axustarse á legalidade. Debido a esta denuncia a empresa entrou en razón e podemos de novo entregalos como antes. Por que se empeñan sempre en empeoralo todo?
• Deducións por ausencias: A empresa, como sempre, estabanos ROUBANDO DIñEIRO, cando faltamos un día ao traballo, xustificándoo. Descóntannos case o dobre do que gañariamos vindo traballar (é máis, descontan máis se xustificas a túa ausencia que se te sancionan). Esperemos que tras visita de Inspección, dándonos a razón, por fin deixen de roubarnos.

Como vedes volvemos á vía da denuncia que polo que parece é a única forma que ten esta empresa de aprender a RESPECTAR os nosos DEREITOS.

Animámosvos a todos e todas os/as que vos vexades afectados por calquera práctica abusiva ou discriminatoria por parte destes impresentables A QUE FAGADES O MESMO: DENUNCIADE!!!!

A Coruña a 9 de Outubro de 2009.

CAPTACIÓN: a partir do 1 de setembro, por cada alta nova que realicemos, pagaránche nin máis nin menos que 2€, o que  fai que o teu interese por realizar unha alta nova sexa… (deixámolo ao voso criterio).
SECURITAS: A empresa págache 1€ por visita, 2 € por visita efectiva se superas o 45% de conversión, 3 € se superas o 45% da conversión global do grupo e o 45% individual e o PREMIO GORDO de 600 euros a repartir entre o grupo, se superamos as 150 visitas efectivas entre todos e cunha conversión global superior ao 45% de visitas efectivas.  A nosa conclusión é: aínda que consigas un 50%, 60%, 80 ó 90% para a empresa é o mesmo. Será que non entenden que mentres maior é a túa porcentaxe de conversión de efectivas maior debe ser o teu incentivo???. Seguro que xa o saben, pero mentres máis che paguen menos quedará para  encher os seus petos.
JAZZTEL: Cada alta realizada abonaráse da seguinte maneira:  1º e 2º contrato 9€; 3º e 4º 10€;…, 21º e 22º 19€, …Non será tan sinxelo, conseguir un contrato para que paguen os 9 € por venda e non  cremos  que eles cobren o mesmo por un contrato que por  dous.
E qué dicir dos incentivos do 606? É unha vergoña que as cabezas pensantes da nosa empresa sigan decindo  que os incentivos do departamento 606 “…están prácticamente moi definidos…” Nós insistimos na suxestión xa feita á empresa de establecer un incentivo fixo en función do staff. A Empresa indica que a data para este sistema de incentivos é para o vindeiro mes de outubro.
Con todo isto nós preguntámonos: Caerían na conta que sen o traballo d@s teleoperador@s a empresa non tería sentido?

No día de hoxe repartiremos un novo nº do noso Boletín de Información Sindical “As dúas Torres”. Este é o artigo de portada:

EN BUSCA DA XORNADA PERDIDA

(e indefinidos)

Despois das últimas reunións mantidas ca Empresa seguimos nesta carreira de fondo para acadar que todos os traballadoras/es de Eurocen recuperen a xornada que tiñan antes do peche do CRC. A Empresa firmou, o 4 de agosto, un compromiso no que aseguran que en 3 meses todos/as teremos a nosa xornada orixinal. Dende logo, non sabemos cómo o van facer, tendo en conta que dende abril, os servicios que a Empresa consegue, son a contagotas, con poucas posicións e con xornadas reducidas. Pola nosa beira, dende CIG ante este compromiso, seguimos ca nosa proposta, manter a xornada aínda que os servizos novos sexan de xornadas inferiores. Este compromiso tense que cumprir ata o 4 de novembro, que como tant@s outros non cumprirán, pero mentres tanto, ¡¡nós seguemos a perder cartos pola súa incompetencia!!.

Indefinidos Captación: A Empresa dende o primeiro momento quixo “virar a tortilla” interpretando o acordo a súa maneira, no apartado de “Conversion indefinidos Captación”. Déronse conta que non ibamos pasar polos seus argumentos absurdos e despois de insistir ata a saciedade, en Captación serán un total de conversións a indefinidos de 15 traballadores/as.

Descarga o Boletín picando nesta ligazón

Reprodimos aquí o artigo de portada:

SUPERVIVINTES!!!!

“Obxetivo: superar o peche do CRC”

No mes de marzo comezou unha dura loita de negociacións para arranxar o que  se nos viña enriba co peche do CRC. Foi un longo e duro camiño ata chegar á firma do preacordo que logo se ratificou co apoio de todos vos na votación do referendum. A partir de aquí, o camiño enchese de obstáculos, mentiras, mentiras e máis mentiras. Chega o momento das rebaixas, comezamos a recolocación e as seguintes probas a superar:

•    Reduccións de xornada en Pemes tarde, de 35 horas a 25 horas
•    Dous días antes de comezar os cursos, “sorpresa”, a empresa notifica que non teñen confirmación da Xunta para comezalos.
•    Incumprimentos dos criterios de recolocación acordados e firmados nas actas das reunións da Comisión de Seguemento.
•    Grupo D: desaparece o curso incumprindo a normativa que o regula, tomándolle o pelo a tódolos traballadores deste grupo.
•    Os novos servizos prometidos para a recolocación non dan aparecido, de momento só a campaña de Securitas con 5 postos de traballo e na quenda de tarde.

Por todo isto, CIG, non podía aturar máis esta situación, despois de varias reunións valeiras (nas que a empresa pretende esgotarnos, algo que nunca vai conseguir) para intentar que a empresa entre en razón e coa colaboración do resto do Comité,  decimos poñer en coñecemento da autoridade laboral esta situación. Presentamos denuncia en Inspección de Traballo explicando o incumprimento do acordo por parte da empresa e tamén o notificamos ao Director Xeral de Relacións Laborais  da Xunta, explicándolle todos os acordos firmados nas actas da comisión e que están a incumprir.

O 21 de Xullo mantivemos unha reunión co Director Xeral de Relacións Laborais da Xunta, plantexando os principais incumprimentos do acordo. A nosa maior  preocupación é que todos os traballadores recuperen a súa xornada orixinal e a recolocación das traballadoras e traballadores do Grupo C, xa que faltan 2-3 semanas  para que remate o curso e non temos novas de ningún novo servizo.
Neste senso Eurocén asegurou que todos os traballadores serán recolocados ao rematar o curso, pero nos insistimos: con qué xornadas? A empresa garantiza mínimo xornadas de 30h, cousa que tampouco cremos e que non soluciona o problema.

O Director Xeral RR.LL instou a que manteñamos unha nova reunión da Comisión de Segemento para dar solución por parte da empresa á problemática máis preocupante, a recuperación das xornadas de tódolos traballadores. Se o resultado da reunión non é positivo, poñerémolo en coñecemento do Director Xeral para que poda intervir no conflicto.

Dende CIG, propoñemos á empresa que se nos manteña a TODOS a nosa xornada, mantendo o salario e a cotización aínda que os servizos novos sexan de menos xornada

As melloras que a empresa plantexa son unha vergoña. Agora xa non somos teleoperadores, “somos comerciais” que nos adicamos ás vendas. Comerciais sen formación axeitada para selo e sen o principal, motivación económica. Dende a CIG plantexamos a empresa varios temas ao respecto:

Incentivos 606: por suxestión das compañeiras e compañeiros deste departamento, solicitamos á empresa a posibilidade de pagar os incentivos en función das xestións do grupo, entendendo como grupo as dúas quenda, mañá e tarde. A resposta da empresa “…non entra na nosa política establecer incentivos colectivos”. Propoñemos se paguen coma os do desaparecido departamento de Incidencias, en función do staff unha cantidade fixa mensual, e tampouco lles parece boa idea. Claro que non, se o departamento é de valor engadido, ¿para qué pagarlles uns bós incentivos ós traballadores se podemos forrarnos á súa costa?

Lembrámoslle á empresa que os incentivos do Departamento de Retención tiñan que ser revisado no mes de Xuño. Xa esta a rematar Xullo e seguemos sen resposta.