oooooooooooooooooooooooooooooooooooooooooooooooooooooo

AS NOVAS DA SECCIÓN SINDICAL DE CIG EN EUROCEN A PARTIR DE AGORA ATOPANSE EN http://www.facebook.com/cigeurocen

 

 

A patronal das empresas de telemárketing ACCE, fixo onte unha nova proposta que resulta totalmente inasumible e que pasamos a resumirvos:

Proposta ACCE:

Vixencia: 3 anos (2010-2011-2012).

Suba salarial: Desvincular a suba dos salarios do incremento do custe da vida (IPC).

Ano                     Suba  Proposta                            IPC                                Perda Salarial
2010                     0,00%                                     3,00%                                  -3,00%
2011                      1,50%                             3,1% a setembro                         -1,60%
2012                      1,50%                                          —-                                          —-

Despedimentos colectivos (artigo 17): Malia que a petición de CCOO e UGT a patronal quedou na reunión anterior en facer unha proposta para poder despedir tamén ao persoal indefinido a través deste artigo, é dicir sen garantías. ACCE viu á reunión coas mans baleiras.

Novamente quedaron en facer unha proposta por escrito que nos remitiran antes do día 10 de novembro, data na que se reunirá de novo a mesa negociadora (dentro dun mes o que demostra a falta de interese da patronal por chegar a un acordo).

Posición da CIG

A patronal está conseguindo marcar os tempos da negociación e os contidos, xa non se fala mais que daquelas cuestións nas que teñen interese as empresas: recortar salarios e facilitar aínda mais os despedimentos.

O telemárketing non está en crise, cada vez un maior número de empresas principais deciden subcontratar a través de contact center para abaratar custes o que xera novas campañas. Outra cuestión é que moitas rematan deslocalizadas fora do Estado nun momento no que o paro acada cotas de autentica emerxencia social. Esiximos ás empresas de telemárketing que deixen de levarse o traballo a América ou África,  cando na Galiza hai 232.918 persoas no paro.

Si as empresas principais e as contratas de telemárketing teiman en manter deslocalizados mais de 25.000 postos de traballo, estaran demostrando que son inimigas da sociedade, eles saberan a que queren enfrontarse. A deslocalización é unha traizón a todos os pobos do Estado Español.

Ante os inxustos despedimentos improcedentes de tres compañeiras do departamento de Captación, o Comité de Empresa concentrámonos ás portas do edf. Proa para plantarlle cara á prepotente e abusiva nova cúpula desta empresa, máis centrada en despedir a compañeiras, que en pagarnos uns xustos incentivos e en organizar  (ben) este departamento para que podamos levar a cabo o noso traballo.

Despois de meses de bloqueo da negociación do Convenio Colectivo de Contact Center (Telemárketing), o día 20 de setembro asistimos a unha reunión que non podemos cualificar máis que como alucinante. Os sindicatos centralistas defendendo a inclusión das causas de despido no convenio, e a patronal dicindo que no 2010 xa subiron os salarios que levan conxelados dende o 2009. Como a reunión foi pola tarde só se explicaría esta situación se comeron xuntos (e abusaron do viño e dos “chupitos”).

As empresas teiman dende o inicio da negociación en ampliar o artigo 17 (que permite despedir ao personal temporal sen garantías), para poder despedir tamén ao personal indefinido e ese foi un dos escollos que alongou a negociación 21 meses. Ademais malia que levamos co salario conxelado dende o ano 2009,din que no ano 2010 xa subiron os salarios, e que hai que partir desa situación ¿?.

Pero se a posición da ACCE é alucinante, aínda o é máis a postura de CCOO/UGT, que esta vez estiveron representados por “profesionais do sindicalismo” (burócratas sindicais) alleos ao sector do Telemárketing.

Os burócratas pro-empresa dixeron que, dado que a lexislación establece os criterios para despedir ao personal indefinido, a patronal só ten que propoñer un redactado para o artigo 17 que permita despedir a este persoal legalmente. Hai pouco, fixeron un chamamento á folga xeral en contra a reforma laboral, e agora propoñen incluíla no convenio.

Para a CIG o problema non é poder despedir colectivamente sen garantías ao persoal indefinido, senón ampliar as garantías para o persoal temporal. Xa abonda de despedimentos inxustos.

Antes do verán, unha das empresas que forman parte da patronal ACCE, Unísono, presentou un ERE extintivo nun centro de traballo en Vigo. Despois da negociación o ERE transformouse en  temporal e rotatorio, demostrando que hai alternativas factibles aos despedimentos incluso nos peores momentos.

A patronal recorre aos despedimentos caprichosamente, como demostra o caso de Unísono en Vigo. Tiran de despedimentos porque é o máis fácil, pero non é o máis xusto nin sempre é necesario.

É a pregunta que nos estamos a facer todos os días debido á aparición e desaparición dos departamentos. Un día é pola falta de posto e outro porque en función da túa calidade (dato que non é obxectivo) traballas mellor nun edificio que en outro. No cambio de quenda veña a volvernos tolos na búsqueda dun posto libre, cunha cadeira que non esté rota, que teña o casco en condicións, e que o call-master esté configurado para poder traballar no noso departamento. ESTAMOS FARTOS XA!!
Como xa temos “poucos” xefes, dende CIG solicitamos unha nova convocatoria (non interna, por suposto, mellor alguén que veña de fora e que sexa amig@ ou familiar de…) que se adique en exclusiva a buscarnos posto. Porque non imos vir antes (como parece ser que pretende esta empresa) para conseguir logarnos á nosa hora.
Por certo, se volves das vacacións ou dunha baixa e non encontras a @s túas/teus compañeir@s, non te precoupes, non serás @ únic@
.

Tras a reunión mantida onte coa empresa, varios meses de espera e sucesivas cancelacións, non chegamos a ningún acordo no tema dos incentivos deste departamento.

A empresa presenta un sistema de incentivos desproporcionado e discriminatorio co resto dos departamentos e insultante para todos nós, que en vez de incentivar, penaliza ós traballadores.

1. Plantexan unha serie de penalizacións ó noso traballo, que dende este Comité non podemos aceptar.

2. Propoñen parámetros que non se valoran en ningún departamento, e que non se poden contrastar por parte do traballador.

3. Perda do poder adquisitivo respecto ós incentivos de Captación Xenérica, cousa que a empresa garantizou ó finalizar o servizo incumplindo o compromiso adquirido con todos os traballadores.

A empresa, unha vez mais, quere rirse de todos nós dándonos unha miseria de incentivos que por riba vense reducidos por penalizacións. Non sabemops se a empresa implantará este sistema escravizante que nos presentou hoxe, pero o que si sabemos é que dende este Comité non aceptaremos este tipo de mofas e non chegaremos a ningún acordo miserento con eles.

Unha vez escenificada a ruptura da negociación entre (CEOE-CCOO-UGT), o Goberno Central aprobou por Decreto a Reforma da negociación colectiva. Unha vez máis estamos ante decisións de recortes sociais que toman a crise como escusa pero que foron formuladas con antelación á mesma: a “flexiseguridade” foi plantexada pola UE no 2007. Un decretazo que empobrece os Convenios e lles resta eficacia fronte as decisións da empresa.

Modifica a estrutura da negociación colectiva. Se ata o de agora os Convenios de Empresa non podían empeorar o establecido no Convenio Sectorial (que establecía as condicións laborais mínimas), coa reforma, a negociación na empresa poderá decidir en materias como salarios, horarios ou clasificación profesional, por baixo do Convenio Sectorial. Ademais, a nivel das grandes empresas persegue dar o monopolio da negociación a CCOO e UGT, poñendo trabas á participación do resto de sindicatos. Tamén a reforma avanza cara a centralización dos convenios sectoriais. Restrínxese a participación dos traballadores/as implicados na toma de decisións, empobrecendo a negociación colectiva.

Modifica o contido dos Convenios. Tal e como pactaron CEOE-CCOO-UGT previamente, os Convenios recollerán medidas en materia de “flexibilidade salarial” (facilidades de modificación ou recorte salarial unilateral, ou incluso pagos en especies); “flexibilidade horaria” (non confundir con que o persoal poda elixir horarios, será a empresa a que poda modificar a estrutura dos horarios); eliminar límites á mobilidade xeográfica ou eliminar as limitacións á mobilidade funcional.

Modifica a vixencia. Se ata o de agora cando vencía un Convenio, mantiña a súa vixencia ata que se negociase un novo, agora o Goberno limitou a ultraactividade e estableceu unha arbitraxe.

Por todo isto a CIG saíu de novo a rúa. O pasado 16 de xuño a CIG celebrou unha asemblea nacional de delegados/as en Santiago e posteriormente unha manifestación. As delegadas e delegados da CIG no sector de Telemárketing saímos a rúa para protestar pola situación do noso convenio, e a intención das empresas de recortar salarios e dereitos laborais.

O 1 de xuño, cando se cumpre o ano e medio sen convenio, a CIG mobilizouse en varias plataformas de telemárketing na Coruña (Atento-Juan Florez, Sykes, Atento-A Grela, ou Eurocen), con concentracións dende as 10 da maña ata as 13:30.
O persoal propio das empresas principais (de telecomunicacións, bancos, do sector da enerxía, etc.) cobra de media 35.000 euros anuais, por facer traballos semellantes ou iguais ao noso. Pero malia que os nosos salarios son máis baixos, as Direccións das grandes empresas presionan para “rebaixar custes” e levamos 18 meses co salario conxelado.
Eses mesmos Directivos, executivos das empresas principais que subcontratan a través do telemárketing (como Telefónica, Santander, Iberdola, etc.), son os mellor pagados do Estado, con salarios que van do 1.000.000 de euros aos 10.000.000 millóns anuais.
Por poñer un exemplo o Presidente de Atento, a maior empresa de telemárketing e que ten o maior peso na patronal “ACCE”, Javier de Paz, asesor persoal de Zapatero, pode cobrar este ano preto dos 1.300.000 euros, tendo en conta os bonus e incentivos.
Malia todo isto a patronal di que só aceptará un acordo que manteña conxelados os salarios do persoal e que amplíe e abarate os despedimentos. Nos últimos 4 anos despediron a 2.000 persoas, nun sector que emprega a 8.000 persoas en Galiza.
O Convenio Estatal de Contact Center (chámanlle así en inglés porque pensan que queda moderno) é un gran negocio para as empresas de telemárketing e as empresas principais e un mal negocio para os traballadores e traballadoras.

A CIG ten programada unha xornada de loita nacional o vindeiro mércores 29 de setembro
Dende a Confederación Intersindical Galega tentamos respostar as principais dúbidas que xiran arredor da convocatoria da xornada de folga xeral do vindeiro mércores 29 de setembro para que todos os traballadores e traballadoras do país poidan facer valer os seus dereitos e secundar a mobilización con liberdade

1. Cal é a miña situación laboral no día de folga?

Durante a xornada de folga, o contrato de traballo está suspendido, ficando sen efecto as obrigas recíprocas do traballador ou traballadora e a empresa: traballar e pagar o salario. Para os efectos de Seguridade Social, o traballador ou traballadora permanece nunha situación asimilada á alta.

2. Canto me poden descontar polo día de folga?

No día de folga, descóntase a parte proporcional dos conceptos salariais e extrasalariais que correspondan a esa xornada, así como das partes proporcionais das pagas extraordinarias. O teu dereito ao desfrute de festivos e vacacións non se ve prexudicado polo feito de secundares a folga.

3. Teño a obriga de comunicar á empresa que vou á folga?

Non, o dereito á folga faise efectivo unha vez que esta comeza. Non tes a obriga de comunicares á empresa se vas facer folga ou non. É máis, pedir a un traballador que asine un escrito manifestando a súa intención de secundar ou non a folga é unha infracción administrativa e pódese denunciar perante a Inspección de Traballo.

4. Se lle asinei un papel ao empresario dicindo que non vou facer folga, podo cambiar de opinión?

Aínda que llo asinases con sangue. O dereito á folga é un dereito irrenunciábel e exércese no momento en que a folga comeza. O documento que asinaches non é vinculante porque vulnera un dereito fundamental.

5. Pódenme despedir ou sancionar por ir á folga?

De ningunha maneira. O dereito á folga é un dereito fundamental. En caso de sanción ou despedimento, seria considerado nulo e o empresario tería que reincorporarte nas mesmas condicións que tiñas.

6. Pode calquera empresa fixar servizos mínimos?

Os servizos mínimos están destinados á estrita prestación dos «servizos esenciais para a comunidade» (sanidade, educación, hixiene pública, transportes públicos, etc.) durante a folga, polo que é a Autoridade Laboral a que estabelece en que empresas e administracións hai que facelos e en que consisten. As empresas que non prestan estes «servizos esenciais para a comunidade» só poden impor «servizos de mantemento», destinados a garantir a seguridade das persoas e locais e o seu mantemento (instalacións, maquinaria, materias primas, etc.) cando sexa necesario, mais nunca con carácter produtivo.

7. Se me designan para os servizos mínimos, aínda que sexan abusivos, teño que ir traballar?

En principio, si. Non ires traballar cando es designado ou designada para os servizos mínimos pode ser motivo de sanción ou mesmo de despedimento disciplinario. Así pois, debes ir ao teu posto de traballo e recorrer xudicialmente os servizos mínimos impostos se entendes que son indebidos ou excesivos.

8. É delito que a empresa me diga que se non vou traballar o dia da folga me ateña ás consecuencias?

Por suposto que o é. A folga é un dereito fundamental, polo que a coacción para evitar o seu exercicio está tipificada como delito. Se o empresario fai iso con testemuñas, debes comunicalo ao sindicato para presentarmos a correspondente denuncia.

9. Compútase o dia de folga para os efectos de cálculo do absentismo laboral?

Non. Está expresamente excluído este suposto para os efectos de cálculo do absentismo laboral.

10. É legal ir nun piquete polas empresas falando cos traballadores e traballadoras para que secunden a folga?

Totalmente legal. O dereito a informar os traballadores e traballadoras dos motivos da folga e da necesidade da súa participación fai parte do propio dereito de folga.

De novo temos que recordarlle  á Empresa que incumpre o Estatuto dos Traballadores.

Os compañeiros/as que comezaron a sua relación laboral con Eurocen,  a través dunha ETT e pasando despois a ser contratados por Eurocen: por fin son  indefinidos. Porque ao ter concatenación de contratos o  Estatuto establece que se converten en indefinidos. Se algún de vos cre estar nesta situación que se poña en contacto con nós.